Tatar Ai - Көрәш (Кадыйр Сибгатуллин)

Алыр-алмас торган чагың була,
кузгалуы авыр, бик кыен.
Беренче кат син көрәшкә чыккан,
тирә-якта халык, зур җыен.
Чамаң булса, кыюлык та кирәк,
үз остасы бар бит һәр эшнең.
Көчле урынын көчсез кереп алса,
дөреслеге бетә көрәшнең.

Үз көчеңә үзең ышанмасаң,
ташла да чык, үзеңә үпкәлә.
Мәйдан ташлап чыккан егетләрдән
бер көлә дә халык, үткәрә.

Бу көрәшләр синеке түгел икән,
сындырырга нигә билләрне?
Башка мәйдан, башка көрәшләр бар -
көтеп тора үзенең ирләрен!

Бу көрәшләр синеке түгел икән,
сындырырга нигә билләрне?
Башка мәйдан, башка көрәшләр бар -
көтеп тора үзенең ирләрен.

Сагызланып билгә ябышканны
торалмаслык итеп атырлар...

Сабыр итә белә, ега белә,
егыла да белә батырлар.
егыла да белә батырлар!