Tatar Ai - Туган нигез (Гөлнур Камал-Ибраһим)

Җылы хисләр алып, хыялларга чумып,
Үткәннәргә китә уйларым.
Еракларда калды, онытыла язды
Авылыма кайткан юлларым.

Туган нигеземә, торган нигеземә
Күптән инде юллар өзелгән.
Яшьлек ярларына, сөю назларына
Күңелләр дә инде сүрелгән.
Яшьлек ярларына, сөю назларына
Күңелләр дә инде сүрелгән.

Танымас та инде, туган нигез мине.
Алышынган, хәтта якташлар.
Авыл урамында моңсу ялгыз йортлар
Нидер әйтә кебек кайткач та.

Туган нигеземә, торган нигеземә
Күптән инде юллар өзелгән.
Яшьлек ярларына, сөю назларына
Күңелләр дә инде сүрелгән.
Яшьлек ярларына, сөю назларына
Күңелләр дә инде сүрелгән.

Озак еллар үтеп, язмышларны кичеп.
Бер әйләнеп, баребер кайтабыз.
Туган нигезләргә күз яшьләрен түгеп,
Сагыну хисләренә батабыз.

Туган нигеземә, торган нигеземә
Күптән инде юллар өзелгән.
Яшьлек ярларына, сөю назларына
Күңелләр дә инде сүрелгән.
Яшьлек ярларына, сөю назларына
Күңелләр дә инде сүрелгән.

Сагынырлык чакта, туган үскән якта
Булсын иде торган нигезләр.
Кайчан да бер безне, эзләп күбебезне
Алып кайта узган гомерләр.

Туган нигеземә, торган нигеземә
Күптән инде юллар өзелгән.
Яшьлек ярларына, сөю назларына
Күңелләр дә инде сүрелгән.
Яшьлек ярларына, сөю назларына
Күңелләр дә инде сүрелгән.
Күңелләр дә инде сүрелгән.
Кайтыр юллары да өзелгән.