NEUROMOÑ - Дәү әни (Рима Мухаметдинова)

Онык-оныкачаларыма мин
Булам хәзерге көндә - "Дәү әни"!
"Дәү әнинең" кем икәнен,
Аңлап бетермиләр, булса кирәк.

Без яшь чакта "Дәү әни" - ул,
Иң кадерле бер кеше!
Ә хәзерге заман балаларына
Бөтенләй - "Икенче кеше"?!

Без үскәндә бар эшне дә,
Үзебез белеп эшлибез.
Күзгә генә карап ала "Дәү әни",
Бар нәрсә аңлашыла!

Димәк эшне эшләргә кирәк,
Карап куйды, бит "Дәү әни"!
Үзе кушмаса да, белеп аны,
Без эшләп куябыз тиз аны.

"Дәү әниләр" - хәзер "Грэнмаве",
"Дәү әтиләр" - хәзер "Грэнфаве".
"Мава", "Фава" - булып йөрибез без,
Заман шундый шул "Бабэ"!

Хәзерге заман балалары,
Бездән күпкә аерыла.
Без үзебез өчен эшләдек,
Өйрәнергә калып, тырыштык!

Онык-оныкачалар хәзер күберәк утыра,
"Кәрәзле" телефонда,
Хәбәрләрнең, эшләрнең күрә ул,
Яхшысын, яманын шул телефонда гына.

Нишлисең бит - заман шундый,
Артта калып булмый аңардан.
Хәбәрләрне бер көн алмый торсаң,
Дөнья тукталган сыман.

"Дәү әниләр" - хәзер "Грэнмаве",
"Дәү әтиләр" - хәзер "Грэнфаве".
"Мава", "Фава" - булып йөрибез без,
Заман шундый шул "Бабэ"!

Балаларны, оныкларны гаепләргә,
Ашыкмыйк әле, дуслар.
Үзебездән тора бит ул,
"Тәрбия" дигән нәрсәләр!

Дөрес итеп тәрбияләсәк,
"Дәү әни", "Дәү әти" дә,
"Картинәй", "Картәтәй" дә,
Булырбыз, без, һичшиксез!

Сабырлык кына булсын - ярдәмчебез,
Түземлек булсын - дустыбыз.
Артык иркәләмичә үстерсәк,
Булырлар алар тәрбияле һәм тәртипле!

Үзебез "очындырабыз" аларны,
Янәсе, "минем генә балам акыллы"
Тәртип бозса - сүз әйтмибез,
Мактап та җибәрәбез, хәтта!

Каршыңа утыртып, яхшылап,
Аңлату урынына,
Күрмәмешкә салышабыз,
Ишетмәгән булабыз.

Балаларга, онык-оныкачаларга тәрбияне,
Бирә әти-әнисе,
Ә кемнәрнең бар "Дәү әнисе",
Ә, кемнеңдер "Картинәсе"!

"Дәү әниләр" - хәзер "Грэнмаве",
"Дәү әтиләр" - хәзер "Грэнфаве".
"Мава", "Фава" - булып йөрибез без,
Заман шундый шул "Бабэ"!

Кемнәр генә булсак та без,
Бирик аларга дөрес тәрбия!
Киләчәгебез бит безнең кала аларга,
Булыйк киләчәк буынга
Лаеклы тәрбиячеләр!

Заман шундый шул "Бабэ"!