Шакур - Бик еракта идек без

Ай, әле бик еракта идек без
Җитмеш чакрым җирне килдек без
Ак калфакның табылган чагы
Туганнарның сагынган чагы

Бик еракта идек без. Үтеп китте ничә еллар
Язын суга әйләнде кышын яуган ап ак карлар
Буран кебек җәелә тузан олы юлларда
Мин сагынам туган якны алсу таңнар атканда
Әнкәй зинһар кайгырма. Мин кайтырмын берәр көнне
Шатлык тулы күзләреңнән сөртермен күз яшьләреңне
Ә әлегә, мин еракта. Мине әсир итте юллар
Болытлардан ярсу сугып биткә тамалар тамчылар
Бу доньяның бер бөртеге. Мин көл генә бу җиханда
Якты көннәр. Кара төннәр. Ел фасылы кочагында
Көзнең сихри моңсулыгы агачлардан алтын коя
Чарасызлык кулларында үтә яшьлек. Үтә зая
Идел аша күперләрдән. Данлы халык баласы
Миндә ага татар каны! Бу азатлык тамгасы!
Берәр көнне мин кайтырмын. Мине каршы алыр көз
Мин кайтырмын һәм сөйләрмен... бик еракта идек без

Җитмеш чакрым якын җир түгел
Бер күрешер өчен килдек без
Ак калфакның табылган чагы
Туганнарның сагынган чагы

Керми йокы күзләремә, ә урамда куе томан
Уйланасы иде миңа, ә мин кайдадыр ашыгам
Мин гел куркам өлгермәскә. Мин ышанам кердер көтә
Мин канатсыз оча беләм, әмма җаным читлектә
Сау бул соңгы мәхәббәтем, гафу итә алмадым сине
Әмма хәтер мәнге саклар син калдырган эзләреңне
Өметләнеп көтмә мине. Мин синең язмышың түгел
Арыган күзләр төнге юлда. Офыкларга тарта күңел
Мин гел эзлим тынычлыкны, әмма нәрсә ул тынычлык!?
Без аңларбыз берәр көнне. Ә әлегә явызлык
Нәфрәт тулы йөрәкләрдә яңа тәмуг уты сыман
Мәрхәмәтлек коткарыр! Әмма кемне һәм кайчан?
Мин ышанам якты көннәр әле алда! Мин ышанам!
Мин сүз бирәм җиңелмәскә! Борылмаска туры юлдан!
Берәр көнне мин кайтырмын, сагынып туган якларымны
Данлы халык баласы! Миндә ага татар каны!

Ай, әле бик еракта идек без
Җитмеш чакрым җирне килдек без
Ак калфакның табылган чагы
Ак калфакның табылган чагы